-->

73- لغة الفرانكو frankony العجيبة ..!!

فى بداية مدونتى هذه أتعجب ممن يبحثون عن تحريف للغة العربية الجميله ،،
أتعجب من جيل أصبح يكتب الحمد لله هكذا  el7md lelah 
ينزل الله القرآن بلغتهم و يدعونه yarb

وللأسف أنا بأعتبر ان ده جهل من وجه نظرى وليس برستيج كما يظنون

تأملوا هذه الآية في سورة يوسف يقول الله تعالى:

" إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ "
تساألت كثيرا عن الأرقام التى توضع داخل الجمل .. ولأنى لم أكن أهتم بهذا الموضوع لأنه لم يكن يعجبنى ولكن لكثرة الأسئلة بحثت عن هذا الموضوع وسأقوم بسرد الآتى:
هذا الموضوع يسمى بـ لغة الفرانكو .. إنتشرت هذه اللغة بطريقة كبيرة جداً فى عالم الإنترنت وخصوصاً الشات ، نلاحظ أن أحد الأشخاص يتحدث إليك بطريقة غريبة لا هيا عربى ولا هيا إنجليزى وتحس إنك عمال تفك شفرات ههههههههه.
يعنى بنأخد الحروف الأنجليزى والنطق من العربى ونعمل منهم الفرانكو أو بمعنى آخر أننا بنكتب الكلمات العربى زى ما بننطقها بس بالحروف الأنجليزى يعنى حاجة تجيب الشلل بصراحة.
مثال:
كلمة قلب بنكتبها كده ---> 2alb
كلمة عامل ايه بنكتبها كده ---> 3amel eih
فى عندنا حروف فى العربى مفيش ليها مقابل فى الانجليزى .. نقوم بإستبدال هذه الحروف بأرقام مثل:

ق او الهمزة ---> 2

ع ---> 3

ح ---> 7
خ ---> 5
ط ---> 9 او 6
وفى بعض الأحيان بيكتبوا 
خ ---> 7'
غ ---> 3'
ده تطبيق جميل جداً بيخدم موضوع الفرانكو Frankony حيساعدكم على فهم لغة الفرانكو حيث يوجد منا الكثير لايفهمون هذه اللغة وأنا كنت واحد منهم لذلك يوجد فى هذا التطبيق دليل أيضاً يحتوى على هذه الارقام والكلمات التى تساعدك فى ترجمة وفهم هذه اللغة وإحتراف الكتابه بها .. حمل التطبيق من هنا.
دلـيــــــــل الكـلـمــــــــات والأرقــــــــــام
وأتمنى أن تنشر اللغة العربية ولاداعى لإستخدام مايسمى بلغة الفرانكو هذه.. ولكن أحببت أن تكون معلومة وليس أكثر.،
أتمنى من الله عزوجل أن أكون قد وفقت فى توصيل هذه المعلومة
مـــع أطـيــــــب تمنـيــــــــاتى بالتــوفيـــــــق للجمـيـــــــــع ..،، 
اللهم أرحم أمواتنا وأموات المسلمين أجمعين يارب
============================================
سبحانك اللهم وبحمدك ، أشهد ألا إله إلا أنت ، أستغفرك وأتوب إليك
حسبنا الله سيؤتينا الله من فضله إنا إلى ربنا راغبون
TAG

عن الكاتب :

مصـــ شـرقـاوى ــــرى حاصل على بكالوريوس فى علوم الحاسب الآلى .. مهتم بنـقـل كـل ما هـو جديد فى عالم الكمـبيـوتر .. "إن شاء الله" ، وأجتهد فى البحث وإيجاد حلول للمشاكل والإستفسارات الوارده من متابعي المدونه الكرام وأحاول حلها وسردها وتدوينها بأسلوب مبسط وواضح.

هناك 3 تعليقات

  1. يعنى يا هندسه انت ابتديت صح وبعدين وديتنا فى ابو زعبل ..يعنى اللى مش كان عارف اللغه الهبله دى وكان بيكتب بالعربى هتخليه دلوقتى يتعلمها ويكتب بيها ...انا عن نفسى بحب لغتى ومبحبش اكتب لحد باللغه الهبله دى الا لو حسسنى انه يعنى وصل للعالميه وقتها اعرفه انى بكتب بيها مهياش اختراع وبعدين ارجع للغتى لغه القران..ربنا يزيد لغه القران عزه وانتشار ... wa saba7 el 5eer ya 7andasa hahahahah ... والنبى عمرك شفت حد هيقولك صباح الخير ويحطلك رقم سبعه فى النص ..العالم الهبله دى بتمشى ورا اى تقليعه وخلاص ..يعنى اجى اقولهالك اقول صبا سبعه تبقى صباح ..والخير اقول 5 اير ..ربنا يسترها على شباب مصر من الشباب السيس

    ردحذف
    الردود
    1. كلامك مليون الميه يا حاج أحمد ... أنا عن نفسى مبحبش الموضوع ده والله والارقام واللغة الغريبة دى .
      ولكن للأسف دى حاجة موجوده وفى ناس عاوزة تعرفها وإتسألت فيها أكتر من مرة لغاية ما جمعت الموضوع ده ..
      ولكن من يعرف متعة اللغة العربية .. تحياتى يا حبى

      حذف

الاسم

بريد إلكتروني *

رسالة *